Archive for nahdetmisr.myfreeforum.org Because we want Egypt for All Egyptians
 


       nahdetmisr.myfreeforum.org فهرس المنتدى -> جراح الوطن
masry_fe_canada

شروط الحصول على الجنسيه المصريه

السلام عليكم و رحمة الله
قرأت في جرنال الجمعه اللي فات عن الشروط اللي الدوله تفضلت و وضعتها علشان تقدر أي أم مصرية متزوجه من أجنبي تعطي الجنسية المصرية لأولادها و طبعا أندهشت جدا لما قرأت الشروط
الشروط كالتالي:
1-لابد أن يكون الابن قد عاش في مصر 10 سنين متصله
2- لابد أن يكون قد تعدي الواحد و العشرين سنه
3-لا يعاني من أي إعاقة جسدية أو ذهنية

يعني بالله عليكم هي دي شروط تتقبل
و بعدان يعني أيه يكون قد تعدي الواحد و العشرين سنه قننبلة
يعني معني كده أن الأم هتكون صرفت عليه دم قلبها في تعليمه كأجنبي و بعد ما يتصرف عليه و يخلص تعليم تبقي تديله الدوله الجنسية
و كمان يعني أيه لازم يكون معافي تماما !!!!! قننبلة
يعني لو فيه أي إعاقه نرميه و نتجاهله و منرضاش نعترف بيه كمصري
أنا بصراحه مش عرفه ليه الدول العربيه بتصر أنها تحصر زواج السيدات من أبن بلدها فقط يعني لو تزوجت أجنبي يبقي تعد بقي من المغضوب عليهم و مترضاش الدوله تدي أولادها الجنسية
أنا شايفه أن في القوانين دي ظلم كبير جدا للمرأه العربيه , لآن ربنا أحل زواج المرأة المسلمة من أي رجل مسلم و مفرضش قانون يقول أنه لازم تتزوج رجل مسلم من أبناء بلدها فقط و إلا يعامل أولادها معاملة الأجانب و لا يجوز أعتبرهم من أبناء البلد

أنا شايفه كمان أن عدم إعطاء الجنسية للأبناء ده ممكن ينتج عنه كره الأبناء دي للبلد اللي بتعاملهم كأجانب و هي أمهم بنت البلد
عرفين رفض أعطاء الجنسية للأبناء الأجانب ده بيفكرني بأيام الجاهليه اللي كانت فيها أبناء كل قبيلة لا يجوز لهم أن يتزوجوا من خارجها .
أنا عرضت رأيي بكل صراحه و أحب أعرف رأيكم أيه في الموضوع ده سواء كنتم متفقين معايا في الرأي أو مختلفين
lilactulipe

مصري في كندا   هاي معليش التعليق  علي موضوع الجنسيه متاخر لاني لسه حالا قريته   اجاز القانون  لابناء المصريه المتزوجه من اجنبي اعطاء الاولاد الجنسيه المصريه ماعدا  المتزوجات من الفلسطينيين لهم معامله تانيه   سعدت بكتاباتك

       nahdetmisr.myfreeforum.org فهرس المنتدى -> جراح الوطن
صفحة 1 من 1
Create your own free forum | Buy a domain to use with your forum